1. 11 yillik maktab, litsey yoki kollej bitiruvchilari; (2022 yil bitiruvchilari)
2. Universitetni bitirgach Yaponiyaga borib, Yaponiyadagi kompaniyalarda ishlashni xohlovchilar;
3. 2022-yil 1-oktabrga qadar yoshi 21 gacha bo'lganlar hamda 2023-yil 1-aprelga qadar yoshi 18 ga to'ladigan talabalargina ariza topshirishlari mumkin.
4. 2022/2023-o'quv yili 1 / 2/ 3/4-qabul imtihonida qatnashmaganlar.

※Abituriyentlardan universitetga kirish imtihonida qatnashish uchun yapon tilini bilish talab qilinmaydi. (2haftalik imtihon jarayonidan oldin abituriyentlar universitet tomonidan tayyorlangan maxsus yapon tili boshlang'ich darslarini o'rganadilar)
※Avvaldan yapon tilini o'rganib, JLPT imtihonidan o'tganlar ham ushbu kirish imtihonini topshirishlari kerak bo'ladi.
※Japan Digital University'da rus guruhlar hali yo'lga qo'yilmagan.

Hurmatli abituriyent quyidagi izohlarni diqqat bilan o'qing☺️
(bundan oldingi qabullarda qatnashgan abituriyentlar 5-qabulda ishtirok eta olmaydi. Yuqoridagi qo'yilgan talablarga e'tibor qilmasdan, hujjat topshirgan abituriyentlarning imtihon uchun amalga oshirgan to'lovi qaytarib berilmaydi)

JDU'ning kirish imtihonlari onlayn bo'lib, 2 hafta mobaynida davom etadi. O'qishni tamomlagandan so'ng, Yaponiyada IT muhandis sifatida ishlash maqsad qilib qo'yilganligi sababli, asosiy e'tibor matematik qobiliyat va yapon tilini o'zlashtirish darajasiga qaratiladi.

Kirish imtihonlari davrida yapon tili boshlang'ich daraja darslariga onlayn qatnashish orqali yapon tili o'rganiladi va shunga ko'ra natijalar hisoblanadi. Shu bois, agar siz yapon tilini bilmasangiz ham, aslo tashvishlanmang. Yapon tilini sizga o'zimiz o'rgatamiz🥳
* Imtihon topshirish uchun kompyuter va internet muhiti yoki smartfon kerak bo'ladi.

Kirish imtihoni uchun to'lov

200 000 so'm
(Ushbu to'lov olinishining asosiy sababi, Japan Digital University'ga o'qishga kirmoqchi bo'lgan abituriyentlar 2 hafta davomida onlayn yapon tilini maxsus platforma yordamida o'rganadilar va shundan so'ng kirish imtihonini topshiradilar. Abituriyentlardan olingan imtihon uchun to'lov maxsus platformani moliyalashtirishda foydalaniladi.)

To'lov usuli:

Payme, Click

＊To'lov qilish uchun ma'lumotlar ariza topshirilgandan so'ng SMS xabari orqali jo'natiladi.


To'lov muddati
Hujjat topshirgandan so'ng, 24 soat davomida imtihon uchun to'lovni amalga oshirishingiz so'raladi.
Agar 24 soat davomida to'lov amalga oshirilmasa, topshirilgan hujjatlar bekor qilinadi. Qolaversa, qabul kvotasi hujjat topshirgan abituriyentlarning soniga qarab istalgan payt yopilishi mumkin.

Imtihon "maxsus platformada"bo'lib o'tadi. Imtihon uchun to'lov amalga oshirilgandan so'ng, platforma uchun login va parol yuboriladi. Platformadagi barcha vazifalarni bajarish lozim. Vazifalarni har birini puxta bajarishingiz abituriyentlik maqomidan talabalik maqomiga tezroq o'tishingizni ta'minlaydi😁

Vazifalar quyidagicha:
- Motivatsion xat yozish (500 ta harf doirasida)
- "Boshlang'ich yapon tili" o'quv videoroliklarni ko'rib o'rganib chiqish;
- "N5 kursi" ga qatnashish;
- ZOOM orqali yapon tili darsi;
- Yapon tili testi (test "Boshlang'ich yapon tili" o'quv videoroligi asosida tuzilgan)
- Matematika fanidan test.

"Yuzni aniqlash tizimi" dan onlayn imtihon uchun foydalaniladi.
※"Yuzni aniqlash tizimi" tasvirining misoli. Tizimdagi yozuvlar rus tilida aks etadi.

"Yuzni aniqlash tizimi" foydalanuvchi tomonidan oldindan taqdim etilgan shaxsiy rasmi bilan foydalanuvchining imtihon paytida shaxsiy moslamasining kamerasi orqali tasvirga olinadigan yuz tasvirini sun'iy intellekt yordamida o'xshashligini bevosita aniqlaydigan elektron tizimdir. Bu tizimdan onlayn imtihonda ishtirok etayotgan tabalaning aynan o'zi qatnashayotganligini tekshirish uchun foydalaniladi.
*Bu tizim orqali imtihonga kirayotgan shaxs elektron tizimdagi foydalanuvchi bilan haqiqatdan mos kelishi lozim.

●Sinov imtihoni boshlangan sanadan so'ng, avval yuz tasvirini aniqlash uchun ro'yxatdan o'tishingiz talab qilinadi.
* Sinov imtihonining boshlanishidagi seminar(imtihon jarayoni haqidagi seminar) jarayonida batafsil tushuntiriladi.

"Yuzni aniqlash tizimi" yordamida o'tkazilishi kerak bo'lgan testlar quyidagilardir:
-Yapon tili testi (test "N5" darajasiga asoslangan)
-Matematika testi

Imtihonga ariza topshirishdan oldin, iltimos, imtihon jarayonida ishlatiladigan kompyuter yoki smartfonda elektron ta'lim olish imkoniyatini tekshirib ko'ring.
Iltimos, kirish imtihoniga ariza topshirishdan oldin quyidagi mazmunlarni tekshirib ko'ring.


Quyidagi URL ga kirib, ID va paroldan foydalaning.
＊Bu ID va parol faqatgina imtihon topshirish platformasini tekshirib ko'rish uchun mo'ljallangan.
Imtihon topshirish uchun mo'ljallangan ID va parol esa, ro'yxatdan o'tib, kirish imtihoni uchun to'lov amalga oshirilgandan so'ng beriladi.

Imtihon topshirish uchun elektron ta'lim sayti：https://deli3.study.jp/rpv/?multi

ID: JDU-sample001
Parol: JDU-sample001

＜Quyidagilarni tekshirish kerak bo'ladi＞
・ Platformadagi videoni ko'rish imkoniyati mavjudligi;
・ Test javobini belgilash imkoniyati mavjudligi;
・ Anketaning javobini belgilash imkoniyati mavjudligi;
・ Motivatsion xatni yozib topshirish imkoniyati mavjudligi.

Yiliga kontrakt to'lovi 61 600 000 so'm
Ushbu summaning 12 600 000 so'mi odatiy to'lanadi. Qolgan 49 000 000 so'm, abituriyentni qanday imtihonni topshirishiga qarab to'lanadi.

Abituriyentlarning imtihonni qanday topshirishlariga qarab, ular 3 guruhga bo'linadi:

Grantlar guruhi : (Bu guruhda ta'lim to'lovi bo'lmaydi. Imtihon faqat kam ta'minlanganlar o'rtasida o'tkazilib, eng yuqori to'plaganlar saralab olinadi).

A kvota: Talabalar har yili 12 600 000 so'm miqdorida kontrakt to'lovini to'laydilar, qolgan 49 000 000 so'mni "JDU qarz tizimi" dan foydalana oladilar. "Cowork" daromadli amaliy mashg'ulot orqali yoki kelajakdagi daromadlaridan qaytarishlari evaziga Japan Digital University tomonidan beriladigan qarz tizimidan foydalana oladilar. Ishga joylashmaguncha to'lov muzlatilinadi.

B kvota: Bu yerda ham "A" guruhida bo'lgani kabi. Faqat birinchi yil siz hamkor-bank bo'lgan "Asia Aliance Bank"dan 49 000 000 so'mni to'lash uchun kredit olishingiz kerak bo'ladi. Bu hamkorlikdagi-bank bo'lgani uchun foizsiz kredit beradi.

Bundan tashqari universitetni Coworking dasturi bor. Coworkingda talabalar guruh bo'lib, universitet tomonidan beriladigan vazifalarni bajarib daromad olishadilar. Bu daromadning 60% kontrakt to'lovini to'lashga qaytariladi. Yaxshi ko'rsatkichlarni ko'rsatgan talaba o'qish oxirigacha to'lovni to'liq to'lab qo'yishi mumkin.

C kvota: "JDU qarz tizimi" amal qilmaydigan kvota, barcha o'qish to'lovini odatiy davrda to'lashi kerak bo'ladi.

Hurmatli ota-onalar va abituriyentlar! Universitet shartnoma summasi haqida yanada to'liq tushunchaga ega bo'lish uchun Japan Digital University'ning YouTube sahifasiga o'tishingizni so'rab qolamiz. YouTube sahifaga o'tish orqali siz, universitet rektori tomonidan maxsus shartnoma summalari haqidagi videoni ko'rib, o'zingiz uchun barcha kerakli savollarga javob topishingiz mumkin bo'ladi.

Universitet shartnoma summasi haqida batafsil

※Kvotalar bo'yicha tushuntirish bilan bataftsil tanishish uchun "O'qish to'lovi" sahifasiga qarang. ＞Ta'lim to'lovi sahifasi

Fakultet va yo'nalishlar:
1) Muhandis-dasturchi yo'nalishi

(Ushbu yo'nalish orqali siz, Xalqaro darajadagi IT muhandis, Yaponiya IT bozorida raqobatbardosh kadr bo'lib chiqishingiz mumkin. IT muhandislik yo'nalishini tanlashining asosiy sababi Yaponiyada ayni paytda eng kerakli kasblardan sanaladi. Japan Digital University'ning asosiy maqsadi ham o'z talabalarini Yaponiyadek rivojlangan davlatda o'z o'rnini topa oladigan kadrlar qilib yetishtirib chiqishdan iborat.

O'qish muddati: eng kami 4.5 yil
O'quv yili oktabrdan boshlanadi. 6 oylik muddat 1 semestr sifatida yuritiladi. Bir yillik o'quv yili
semestrining davomiyligi quyidagicha bo'ladi:
1-semestr: oktabr-mart
2-semestr: aprel-sentabr

JDU'ning nizomi bilan tanishish: JDU nizomi
Ta'lim xizmatlarini ko'rsatish shartnomasi bilan tanishish: Haq evaziga ta'lim xizmatlarini ko'rsatish shartnomasi